Ich bi es Riebli gsi!

<  Ich bi es Riebli gsi!

Es isch Karmittwoch… oder besser Mittwoch iner Karwucha. Oschtru isch grad um ds Egg und darum hanich mier gideicht, ich chenti mich ja mal mim Thema Tod und Üferschteeig bischäftigu… es git da es Lied vaner dänischu Gruppa Shu-bi-dua va “der rot Fadu” (den røde tråd) heisst und in dem geit’s genau um das… also nid um du Herrgott, sondern um iisch sälber. Va wa ächt wier chäme und was ächt üs isch wird, derna… aber loset (schpeter finni de sicher öi nu grad en Link zum Lied) und vor allem läset sälber:

Carrot by: MnDcHn/deviantartWas isch mu befor mu geboru wird
En Schtäruschnuppa – es Puzzle
En lätzä Gidanku – es Riebli
Irgendeswas isch mu de woll gsi.
Z’Müettersch Bruscht isch rot und wiis
Zum Vater seit schi: Gang!
Wier si e schuppu Chind gsi
Und hei nie gnüet Gäld kha
Mit achti binich bereit gsi
Ins Tirum z’ga.
Minä Rigg het üsgseht wie scheifs Fleisch
Will zum z’Mittag het’s wider Schläg gigä.
Ich bi gwaxu – und verflixt!
Ich ha es Platzji aner Sunna gfunnu
Iner Schüel hani glehrt Ier gross z’schribu
Aber üs mier het’s nix chenu gä
Öi wenni e hüfu Werter gkennt ha
Mi iner Warteschlange vam Läbu gschtannu
Und andri hent mi uberholt
Ich bi gwaxu – und verflixt!
Ich ha mer es Platzji im Schattu gfunnu
Mim Rigg gags d’Wand
Wiso bini giboru?
Und was passiert we mu müess ga
Wenn ds Läbunshämli z’churzus chunt
Wa isch ächt der rot Fadu
Mu wird doch woll eswas si.

Posted in sound thrashing ~ You can follow any responses to this entry through the RSS 2.0 feed. You can leave a response, or trackback from your own site.
One Response to “Ich bi es Riebli gsi!”

Annmarie Bittel

Vergiss nie die Geschichte von der kostbaren Perle und dem Schatz … Frohe Ostern!

Leave a Reply

Name (required)
Mail (will not be published) (required)
Website

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>


«