Ich weiss nid, wefill das mu bi ew dadruber gkhert het, aber hina isch uf all Fäll Wahltag hie obina und es isch scho es bitzji gschpässig, wemu nid darf ga wählu… ds Parlamänt hie obina bitrifft mich ja vill meh wäder der Blocher und Co und überhöipt hanich ja sowiso en Meinig zu allum. Was dischi Wahle bitrifft, so binich (appa z’ersch mal in minum Läbu) eso lings igschtellt wie’s gradeso geit! Das het aber nix dermit z’tüe, dassi hie Üsländeri bi, sondern mit der Mitti-rächts-konservativ-liberalu Regierig va de letschtu sägsch Jahr. Der Präsi (Anders Fogh Rasmussen) weri mer ja eiguntli no gli, aber das är bisher mit der rächtserwäderrächtu DF (Dansk Folkeparti) zämugschafft het, fer ds absolut Mehr iner Regiärig (Folketing) z’hä, macht mer nu mega unsympatisch! Wie chamu nummu! Das isch ungfähr eso, wie we d’CVP mit der SVP würdi zämuschliessu – Skandal!
Aber zrug inu Nordu: Mier imponierunt hie im grossu und ganzu d’linggu Partiä mit ihru Präsi-kandidatin Helle Thorning-Schmidt, meh, will di wellunt zämu en Wäg finnu und der soll nimme Blok-Politik (also, Mehrheit gägs Opposizio), sondern breiti Zämuarbeit quer uber d’Mitti heissu. Das finn ich tehnt güet. Ufer rächtu Sitta, gseht’s nämli meh derna üs, dass du bisherig Regierig umschichschlat und iru einzig Argumänt “wier brüchä meh Zit” isch. Das finnich es bitzji dünn. Ich finnu d’Linggu – sogar d’üsserscht Linggu (Enhedslisten) – am realistischu… wemu mal derfa abgseht, dass d’Enhedslisten vill ds Eigutum a Produktionsmittl abschaffu. Aber im grossu und ganzu hent di gitscheggt, dass wemu epis will, dass öi epis choschtut und das Theme wie Asylantu, Arbeitsmärt, Klima und öffuntliche Sektor fer d’Wähler vill relevanter isch wäder Angschtmacheri mit Terror und Öiguwischeri mit Schtiirsenkige.
En letschte Kommentar willi grad no der Ny Alliance widmu – dasch nämli en soz’sägu niglnaglnöii Parti was ersch sit es paar Monät git. Iri Posizio isch der Momänt no es bitzji schwer abz’schätzu, will schi zum Bischpil ufer eintu Sita du Ander Fogh zu ihrum Präsidentschaftskandidat ernännunt, aber ufer andru Sita va im wellunt das är na der Wahl en “Dronningerunde” üsriäft. Das biditut, dass d’Schefu va jeder Parti na de Wahlä zer Königin sellunt und ira sägunt, wer ds Königlich Unersüecher soll wärdu, wa di Bildig vaner Regierig unersüechut. Eso en Königinsrundi isch nid Pflicht, aber normalerwiis chunt’s eso üsa, dass der Königlich Unersüecher öi Schtaatsminischter/Präsidänt wird und das weri ja es Risiko fer du momentanu Präsidänt, eso en Rundi izleitu, falls inu di bisherigu Unerschtützer anzmalsch nimme wählti. Mit andru Wort: D’Ny Alliance will wärunt dum Wahlkampf di bisherig Regierig unerschtützu, fer d’Schtimme va ihru Wähler z’vercho und na der Wahl, wägslutsch de villi d’Meinig und geit zu de Linggu… dasch uf all Fäll wie’s der Momänt üsgseht.

Anders Fogh Rasmussen oder Helle Thorning-Schmidt isch hina m’abu also d’Frag… und ich hoffu nid, dass ds Froweli nummu di bessra va zwei gringe Alternativä isch, sondern z’Verschprächu vam Dialog kwer uber d’Mitti haltut. Noch Fragen Kienzle?

Very nice article! I am impressed to see so much information about the Danish election in the German part of Wikipedia. And now also in your dialect

It is going to be really exciting to see the results tonight.

Well, I had to quote some sort of “reliable” source and I don’t think random newspaper articles would pass as reliable.

Btw: I guess most people “down there” have not the slightest knowledge of/interest in danish politics, hence my little lecture.

Yes, I love the source, I think Wikipedia is very cool — it continues to amaze me that it is so comprehensive and updated to eagerly.

And now the people “down there” (are we talking Australia here? ) have no reason not to know everything about the upcoming election

At least they have one “realiable” source now which tells them that DF should be forbidden and that Anders Fogh is a hypocrite. I’m pretty proud of myself now… and can’t wait to be shot by Danish nationalists.

Don’t worry… I don’t think any of the nationalists can read your special writing when it is in the special Wallis-code

Hmm… Ups, I just realized that you decoded your Wallis-text in your comment… Beware!

I don’t worry… as I don’t think genuine nationalists are able to read English.