Judihui und fallera, hitta isch mine letschtusch Tag ja ja! Ich glöibi, eso richtig hani’s no gar nid gitscheggt, aber ab hina m’abu, halbi Füfi binich wider en friiä Mänsch! Jodeliho! (Ich cha zwar eiguntli nid jodlu, aber ich bi so froh, dass grad fasch alls chenti va barer Freid!)

Miis Gjäis hett jetz de hoffuntli öi es änd… dasch aber no nid sicher… finnu mer de sicher wider epis nöis zum druber schgattu. Aber jetz hani uf alli Fäll de afa mal Wuchuänd und Mentag, Zischtag fri. Wie’s nachher genau witer geit, weissi zwar no nid, aber wenn ich eso anu Züeschtand va iischer Wohnig deichu, tengi’s dera güet, wenni no es paar Täg meh der Zit hetti zum Üfrümu!

Es geit ubrigens nummu no zwei Wuchä und sägsch Täg, bis wier (also ich, mini Ma (!) und d Schwigreri) fer es paar wenigi Täg deheimu geh ga Sunna und Wermi tanku – va bederlei het’s dische “Summer” hie obina nämli nid deschwärt vill gigä. Im Gäguteil, aber es git hie sogar es Liedji wasch druber singunt wie flott der dänisch Summer isch, wa d Litt immer wider enttüschut. Aber das het mit Klimaverändrig appa nix z tüe – z Gidichtji isch nämli va 1923!

Und jetz isch Zit fer Zmittag – en Güetä!

Die “Sommervise” habe ich ausgedruckt und hoffe, dass du mir mal beim Übersetzen hilfst. Geniesse die Freizeit und jodle oder singe nach Herzenslust…

Hey,
bi froh fär dich, dass sus mit dum Job hinär dich hesch!

Das git sichär widär epis, wat meh Freid hesch.

La, la kehru, wennt im Open Air bisch. Gniäss d’Ferie.

Lg

Fabi