Ich glöibu hittu isch der längscht Tag va der Wält… aber das hani eiguntli öi scho geschter gseit. Und wahrschinli letschti Wucha öi. Und d Wucha derfor sowiso. D’Erklerig fer mis Miser isch nid appa z’wenig Schlaf (amal nid nummu), sondern wahrschinli längwilligscht Schtell wani je ha ka. – Dasch eifach keis Gält wärt, dass mu jede Morgu vor aller Zif üfschteit, fer derna der ganz Tag im Büro nummu uf d Ühr z’lüegu! Also Ehruwort! Zum Glick isch das jetz mini letscht Wucha bi der Firma Nixztüe und Zvillgält GmbH (würdi nie wagu du Namu z’nännu, will Mit Aeresch RickSch Kei schritt… und ich will ja nid di si, wane seit, wie chrottotummi schi sind).

Wenn der Schtüel bekwem gnüeg und ds Büro es bitzji riewigär weri, nämi prompt no en Nock… ihhhh, das we’s jetz. Aber nei, ich müess gli no zwei Schtunne üsharru. Puh, zwei mal sächzg Minütä! Das chunt mer der Momät no ewigs vor! Aber ich cha mi ja afa mal in Gidanku uf hina m’abu vorbireitu – da häni nämli es Vorschtelligsgschpräch fer en nöii Schtell – wani zwar weniger Gäld verdienu, aber hoffuntli epis gschiders z’tüe ha, wäder nix. Nimmt mi afa Wunner wie das üsa chunt… gringer wäder hie cha’s ja fasch nid si! Hie passt mer nämli nix – wäder d Lit, no d (inexischtänt) Arbeit, no der Arbeitswäg… da, chunt mer grad zit: Ds Ässu geit no eso und am Mittwochnamittag gitz immer Chüechu, dasch öi nid eso schlächt. Aber susch – gfrewu mi scho uf Fritagemabu, halbi Füfi: Nix wie weg hier!

Und jetz heri üf jäisu… amal fer jetzu.

Du Arme:3-2-1- diese endlosen Tage sind zum Glück abzählbar… Das tönt ja wie in der RS. Damals hat Papa jeweils einen cm von einem Metermass pro Tag abgeschnitten.
Diese letzten 3 langweiligen Tage schaffst du auch noch.
Gönne dir jeden Abend eine Belohnung, nicht erst am Freitag! Das Bild gefällt mir. Erinnert es dich an Lieffrens?

Jaja, so cha’s ga. Jetz bini de ändli denu Fuditschob los und de bietut mer prompt d’Abteilig dernäbu en andri Temporärschtell a fer dri Monät… was soll mu da nu sägu? – Ganz eifach: Mal lotzu was üsum Vorschtelligsgschpräch va geschter gwordu isch und de witerlüegu. Eis isch aber sicher: Das geschter het Priorität! Aber wenigschtenz müessi mehr afa kei Sorge machu, wasi bis Ändi Oktober machu.