Jaja, heit scho rächt – isch wideremal länger her siti ds letscht Mal epis uf Dialäkt gschribu ha… oder siti generell ds letscht Mal epis gschribu ha. Es isch aber öi rächt vill los gsi am Änd vam letschtu und inu erschtu Täg vam nöiu Jahr: Wier hei im Dezämber en nöii Wohnig gfunnu (judihui – ändli üs us dischum Hasuschtall!), bi miner Famili ga Chrischtchindli schpilu, hei Wiähnächtu im Hasuschtall gfirut, hei Silwäschter “Bonjour Madame” uf Dänisch gschpillt, ha mi fer en nöii Üsbildig entschlossu, bi sche am Job süechu, gibu der Kollegi Dänischschtunne, si am Zigglu organisieru, secklä chritz-und-quer durch d Mebilgschäftwältgschicht, sinisch am Uberleggu wa wer am gschidschtu en Wäschmaschina und en Frigor chöife, hei ischers Drijeeriga gfiirut, ha zwei Paar Schüe gschöift und ah ja, wier heirate im Summer.

Güet’s Nöis alli mitenand!

To my international friends: Please read the Master‘s blog to get the gist of this post.

Hi, It’s Ania from c19 – I’ve just read your Master’s blog as well as your MB messages… Congratulations again and all the best – from my experience I can say that marriage is a wonderful journey!

Thank you so much honey! I’ll blame you then if it shouldn’t be the case.

Jo denn gits do natürli au no en Kommentar uf Püntnertütsch: Goht jo zackig, scho im Summer hürota, aber jo, vu Herza Gratulation und witerhin alles Guati do im rägnarischa Ländli mit dr komischa Sprooch!

Mersi villmal! Ha grad zweimal miessu uberleggu, wer jetz da Bünderdialäkt schribt… ds Nachtässu vam Fitzi isch ja wärli scho långer her. Wie lang bisch eiguntli no m’anand?

Bin momentan am Dissschriba, hoffentli kanni Endi Februar abgeh. Denn züchts mi in an anders Land mitanara komischa Sproch, im Mai oder Juni fangi in Amschterdam a Postdoc aa. Bis denn bini wohl entweder do oder susch irgendwo in der Wält am ummaraisa. Grüassli und schöni schturmfreii (sowohl d Wohnung wia au ds Wetter) zwai Täg!

Wooooooowwwwww!!!!!!

Hey, ich gratuliäru tüsig mal!

Hesch sus ja supär schön in dinum Text värpackt! Gat mal so näbubi sus
ärwähnt; äso het ja d’Ubärraschig supär giklappt!

G’frewu mi mega fär ew zwei!

Isch ginau z’rächtu, nummu riäwig als mal ufu Chopf riäru! So wird ew
beidu diz Jahr sichär nicht lengwilig! Hut ab!

Än mega liäbi Umarmig und än fastnächtlichi Grüäss!

Z’Schtiägi fa Terbil

Merci liebs Schtiägi! De weisch ja de afa was amu gwissu Wuchuänd dische Summer machsch… ds Dänemark ufz Meer lüegu! Gibu der ds Datum dur sobald wer mim Pfarrer gredt hei.

Gniesst d Fasnacht fer mich öi – das kennunsch hie nämli natirli wider emal nid.

Grüessji zrug!

Ja, ich gniässu schi so richtig; das längt fär ew beidi öi!

Hey, am Samstag heiwär ischärs Gugumüsigträffu. Scho Züäfall; wil zimlich vor ämu Jahr isch öi das wäge London z’schtand cho.

Glöibsch; bi jetz scho chribligs fär dich und gimmär so gschnäll wiä meglich z’Datum durch, dassi mär sus bitzitu cha reserviäru! Will du kenntsch ja so mine
Kaländär.

Liebe Grüäss üssum värschniitu Wallis.

Fabi

Ah ja – mag mi no güet ani Bomfrit ufer Schtäga erinnru! Fer ditzmal würdi der schomal empfählu du Öigschtu im Öig z bhaltu. Aber wier hei du Pfarrer no nid verwitscht und chenne’s darum no nid genau sägu.

Grüessji öi va hier – wier hei übrigens öi grad emal es bitzji Schnee!

Hey, hoffu numu nit das gat mim OpenAir zämu trifft (3. Wuchuänd). Will hami scho agmäldut fär dum Samaritär z’hälfu.

Bis bald

Nejnej. Müesch kei Angscht ha. Der Martin het di Prieschteri ändli verwitscht und ds Datum abgschprochu… lüeg grad ufd negscht Nachtricht ufum Blog (und schtriich der de z Datum GROSS im Kaländer a)!

Are all those weird letters and words actually meant to make sense or are you just banging more or less randomly on your keyboards?

Actually they ARE meant to make sense… it’s a kind of secret language only insider can understand and apparently you don’t belong to our circle!