Yes. It’s sad but true: The strawberry season on Raptures of Berry didn’t even make it to its three weeks anniversary. We’re mourning the absence of a healthy, green and red acquaintance. What will refill the blank spot in our hearts and on the top of this blog? – It is with fondness and dear memories that I announce the department of fruitastic layout… and with homely feelings that I herald the era of the bilateral understanding on top and of the calm purity in the body: Long live the new layout! Hurra, hurra, hurra!!!

Wer kennt das nid: Dü hesch verschlafu, äs schiffut und dasss der dine Bus grad vor der Nasa durgfahru isch, hilft diner Lüna öi nimme opschi. De halt doch mim Wello, deichsch dü dier, geisch ini Garage/Wellochäller und mit es bitzji Glick hesch sogar no es bitzji Luft ine Pnö. Ok, schwingsch dri druf und ab geit’s, üs uf d’Schtrass want sche fasch a flüechu, will a) dri Brilla scho vertropfte und b) agluffni isch. Wenn di bis jetz no keis Auto uberfahru het, hesch di aber sicher scho dri Mal uber irgendes Camio gnärvt, wa scho wider vill z noch näbs dier dur isch. Jetz no füf mal bi drischpurige linggs abbiegu und de bisch scho im Büro – gätschnassus, ds Gwand chläbt der am Körper und d’Haar im Gsicht, ds Dossier want geschter nomal hesch wellu alüegu isch nummu meh es Chnulldschi Papier und uberall want schteisch gitz en Gillu… hmm, tehnt das bikannt? Ok, der Momänt in der Affuhitz appa nid, aber an Räguwätter z’deichu isch doch immer schön – bisch nid öi scho ganz sentimental? Was nid? Janu, de nimmi mal a, dass dü entwäder immer mit dum Auto/Bus/Zug/Tram geisch ga schaffu oder dis Wellu allpot kei Luft ine Pnö het und dü darum gäru duru Rägu seklusch oder dü im Wallis wohnsch.

Isch ja gli. Der Grund warum ich hie scho d’lengscht Zit schlächti Lüna verbreitu isch eiguntli en supergeniali Nöigkeit: Ich ha mier letscht Wucha es nöis Wello gchöift! YEAH! Sitdäm hanich es ganz anners Verhältnis zum Summer (will’s zum Glick nidemal hie obina rägnut) und zum Wellofahru. Dasch nämli hie obina in jedum Fall epis anners wäder deheimu:

1. Es git kei Bärga. Nummu agnämi Hubbiltini und dasch fer mis Schtrassubeik natirli en Sägu (was wellti mu hie öi mit emu Maunteinbeik).
2. Es het hie in jedum Quartier appa dri oder vier Wellomech (chunt mer mindeschtenz eso vor).
3. Es git hie CYKELSTI! Ja, ähntli chunt d’Antwort uf d’Frag wani im Titl gschtellt hä. Das isch nämli en Cykelsti (“Süklsti” (nid “Sikkelschti”)):

   Uberall – und wenni sägu uberall de meini das öi – inner Schtadt und öi in fascht jedum Minidorfji gits sottigi Welloschtrasse. Ja Schtrasse, will dasch ja wärli vill breiter wäder en gwäntliche Wellowäg. Dank denu gitz emorgu kei verschpritzti und halbverunfallti Wellufahrer – öi nid wenns rägnut. D’Auto und Camio sind de keis Problem meh… nummu meh der Lölli vor dier, wa der ganz Zit Schlangulinia fahrut oder der Trissl hinner dier, wa littut wie nid gschit.

Das weri’s also gsi, mini supermegagschidi Ileitig zu minum nöiu Wellu. Verzellu de es annersch Tagsch, wasi afa so erläbt ha. Güet Nacht!

Allora. Ich ha mer nomal uberleit, warum ich mier eiguntli dische Blog igrichtut hä – fer ds verzellu, wie’s eso isch, mis Läbu imu andru Land. Wenni aber lüegu, va wasi bis jetz eso gschribu ha, het das alles eiguntli nix dermit z tüe, in wellum Land dassi jetz wohnu – nummu mit Zigglu und Irichtu und deschi Zigs und we apa fasch in jedum Land ähnlich. Der Grund isch apa, das mich hie obina nimme so wirkli vill uberrascht und ich mich scho lang and’meischtu kulturellu Unnerschida gigwänt ha.
Das soll schich jetz aber ändru: Ich ha geschter du Blog vom Jens-Rainer Wiese entdeckt. Är wohnut scho es paar Jahr inner Schwiz, aber merkt no jetz jede Tag, was bi isch eso alles annersch isch wäder z’Titschland. Schine Blog isch so zum Schiessu – fer Titschi, Schwizer und alli andru, wa schich fer serigs interessierunt! – dass ich mier jetz vorgno ha, alle Quatsch wa mer gschpässig vorchunt, hi üfschribu, dassi de schpeter nomal sche z’lachu hä.

D’meischtu hent appa nid wirkli verschtannu, wassi meinu mit dem Titl nydanskere – indvandrer – udlændinge. Das isch natirli Dänisch und biditut im Prinzip drimal z’glicha: Lit wa hie wohnunt, aber va eswa annersch chämunt – wienich, chentimu jetz deichu, aber dasch nid ganz richtig. Will mim erschtu Wort meint mu eper wa schich zimli güet integriert het, d’Schprach redut, hie schaffut und Schtire zahlt, aber nid mimu dänischu Pass giboru isch. Mu cha das Wort positiv oder negativ üsleggu – entwäder dass di Dänu härzig sind und es eigunts Wort fer das hent oder de, dass schich wirkli integrieru sehr schwer isch und dü eifach nie wie schi bisch. Hmmm. Ich nimmu da natirli der halbvoll Bächer. Mit dum negschtu Wort binich nid gmeint, will schi das eiguntli nummu fer Flüchtlinga brüchunt. Äs isch aber nid wirkli schlächt gmeint, aber ich weri ja eiguntli öi en Inwandreri. Hmmm, gewer witer zum letschtu Wort. Dasch der wanu am meischtu khert (öi im Radio/Fernseh). Das isch wol der Bigriff wa äntli mal ALLI ipackt und öi wenn das no so wahr isch, so bini gli froh, das’ fasch nieme passiert, dass eper merkt, dass ich nid va hie bi. Ich glöibu es git wirkli absolut gar nix, wa mich eso ufi Palma bringt, wie wenn eper versüecht ultranätt z si und darum afat jeder Wort GANZ GANZ ditlich z’sägu und bi der zig mal naz’fregu, obi verschtege, was är meine. GRRRRRRH – nummu dra z’deichu macht mi aggressiv. Jaja, schi wellunt nummu nät si. Aber kei dänische Pass z’hä isch kei Chrankheit und öi kei Biwis derfir, dass mu es döfi isch… iiiih, dass hetti denu Lit düe mal sellu sägu… in fehlerfriium Dänisch natirli.

Hie hani nu grad zwei Site gfunnu, wa der Unnerschid zeigunt: Dischi Sita fer Neudänu gitz nummu uf Dänisch… Dischi Sita fer Iwandrer het zwar öi nummu Dänischi Artikla, het aber scho uf er erschtu Sita en Link uf Englisch, wasch sägunt, das mu bi ine öi uf Englisch Hilf verschunt.

Bi grad schwer ufum Gsundheitstrip: Ich ha Ärpär im Layout, bi ufer Süech nachumu nöiiu Welo und jetz hani öi no en Epfl vorer Nasa. Ich weiss, ich weiss. Ich bi no nie en grosse Macfän gsi, aber irgendeswie hani mi gli derzüe la uberschnurru und weisch was: Ich glöibu nid, dassi di entscheidig biröiu: Das Chaschtji cha doch grad fasch alles und es brücht grad fascht gar kei Platz (wa wier in iischer Miniwohnig eh nid hetti). Alles in allum also en geniali Sach – und wier si öi demunah zfridni. Chenet che ja afa per Mail amäldu fer Besichtigungstermina.

in a desperate attempt to start a new healthier lifestyle, I bought myself a apple cutter last friday. Since that didn’t really make me a veggie (not that this would have been the target), I gave it another shot and bought a iMac – now that is my kind of fruit! Don’t tell this anybody that ever heard me rambling on about Macs, but I love it. Seriously, I do. I think it was love on the first sight from the moment the lovely lady from TNT put the big box on my table… I was excited, all my nerves gathered together in my eyes and my finger tipps, as I carefully opened the box and found a delicate white (useless, since one-button but that I couldn’t care less, because it simply looks lovely) mouse. Then I found the keyboard (the only thing I always liked about Macs – so no change there) and finally, I got to the core and pulled out my might-and-shiny 20″widescreen flat-panel display, 2.0GHz Intel Core Duo iMac – and was lost. The beginning of a love-affair. And this time, I might even dare to say that it is for real.

Btw: if you’re considering getting one as well (which I highly recommend), check these out: http://www.apple.com/getamac/ads/ – hilarioius but very convincing.

… das bi mier wiähächtlich rot-griä-wiss isch? – Wennd aber genauer lüegusch, het’s da wäder Chrischtbeim no Adväntschränz. Di chennunt no sägsch Monat wartu. Zersch chunt der Summer und wie heiss, dass der hie obina cha si, erläbi der Momänt grad der ganz Zit. *Schwiiiiiiiiiiiiiiiiiiitz* Zer Abchielig ässi am Löifmeter Ärpär und darum hani gideicht, ich chenti das in minum Blog verewigu. Und? Hesch scho gluscht uf es paar vercho? Nimmt mi Wunner, wie lang das geit, bis mi en Ärpär-Liferant schponsrut? – Bi da aber fer Agibot offu!

Hey everyone!

One should think that there are better ways to spend a free day in summer but since it is way too hot for me (yes, that’s even in Scandinavia possible!) I figured I should give my blog the chance to reflect the season and so here it is: My brand new summer strawberry layout! I hope everybody will aprove – and if not, answers on a postcard