Sit da unina scho es Bidlji isch, müessi jetz appa nimma Chalttotschu schpilu und cha diräkt d Chatza üsum Sack la: Ja, wier hei z London wirkli di Jennifer Aniston, ja dasch wirkli d Rachel fra Friends gseh! Schi isch da gsi, will iru nöischt Film grad Premier kha het und wier hei eifach Schwein kä und si grad dra gluffu. Idü, wellis Gschrei dass da summi abgla hent! Dummi wie wer aber si (va wägu: wier si jetz doch währli kei Turischtu meh, wa uf Schritt und Triff alles miesse feschtha) heiwer natirli kei Fotoapparat mitgkä, aber ich ha näbs du professionellu Foto (wie das da drunner), wa di d Fotografu vor iisch gmacht hent, öi no z’eint oder andra gfunnu, va andru Lit wa da sind gsi. Hie also der Vince Vaughn nomal… zimli genau eso gross und noch wienich no gseh ha… inklusive denu ganzo Fotografu… isch es bitzji gsi wie im Zoo, aber im het das wahrschinli no gfallu… het amal sche Witza gmacht und mit allu gredt, waner necher isch dra cho.

Bitte bitte, nieme rasieru!

Ok, me va London verzelli de moru… müess unbedingt no es bitzji ga nahschlafu.

Soll sich der Martin jetz öi nimme rasieru? Ich bide gschpannt, wie das üsgseet…

hihi – schön wär\’s. Aber är berchunt ungfähr sovill Bart wiäs Kaktee iner Sahara het – nid grad der schuppu. Naja. Hingägu hetär griäni Öigu und der Vince Vaughn nid.